लोक राज भट्टका (५) गजलहरू

लोक राज भट्टका (५) गजलहरू
१. गजल किन हेप्छौ बर्ण हेरी मान्छे गोरो, कालो हुन्छ खहरे नी गडगडाउछ जब उस्को पालो हुन्छु बरु नदेउ बचन नलाउ गरिबीलाइ कोट्याएर था छैन र लाज ढाक्नलाइ सहयोगी टालो हुन्छ । कुन सॅस्कारको बिकास गरी मष्तिषकमा रोपण गर्छौ जे जे देख्छ त्यही सिक्छ बुढो जस्तै बालो हुन्छ। बचाउने वा नष्टगर्ने परिपटी जेबनाउछौ बृक्ष दिन्छ प्राणवायु जव सम्म आलो हुन्छ । एउटालाइ अर्काको भर सबै यहाँ परजिवी त्यसै कहाँ ध्वनित हुनु घण्टीमा नी रालो हुन्छ। २. गजल संघर्षको असिनाले चुट्छ, अनि था हुन्छ जिन्दगी, भएको भाग्य अर्कैले लुट्छ, अनि था हुन्छ जिन्दगी। जब समयका ज्वारभाटहरु, बगाउन थाल्छन, अघि हराउदै जान्छ, पछि छुट्छ, अनि था हुन्छ जिन्दगी। प्रयासहरु पहिरोमा, पुरुदै जान्छन, तब दुनियाको त के कुरा, आफ्नै बिरुद्धमा आफ्नै छाया जुट्छ, अनि था हुन्छ जिन्दगी। ति काडे तारहरुका जन्जिरले, फुत्किन दिदैन भने, जोडीएको सम्बन्धपनि टुट्छ, अनि था हुन्छ जिन्दगी। जसरी युद्ध मैदानमा, लासहरु माथिपनि, बसिन्छन गोली, त्यसरी आफ्नैका बचनले भुट्छ, अनि था हुन्छ जिन्दगी। अनौठो यात्रामा अपरीचित भएर, आत्ति रहँदा, काँसाको भाँडा जस्तै प्याट्ट फुट्छ, अनि था हुन्छ जिन्दगी। ३ गजल कल्पनामै मनपराका, घर कती होलान, घुम्टो ओढी डोली चढ्ने, रहर कती होलान। : रातो सारी चुरा पोते, सोरै शृङ्गारमा, बिस बाइसे ती सु कुमारी ,सुन्दर कती होलान। एउटा मात्र जिन्दगीको ,माली बन्छ तर, बाहिरबाट हेर्ने छड्के ,नजर कती होलान। मन परेको एउटा हुन्छ ,अन्तै जानु पर्ने, जबरजस्ती बाउ आमाका ,कर कती होलान। कोइले आँशु कोइले हाँसो ,लुकाएर भित्रै, ओहर दोहर माइत पोइल, सफर कती होलान। ४ गजल बिभेद देखिने मान्छेको,थर हटाइनु पर्छ, बुलन्द हुनुपर्छ आवाज,डर हटाइनु पर्छ। ए सरकार त्यो कानुन, बनाइएको किन हो? कि पालना होस नत्र, फोस्रा अक्षर हटाइनु पर्छ। कायापटलमा एक, क्रान्तीको अभाव देखिन्छ, ठेकेदार दलालका गिद्धे,नजर हटाइनु पर्छ। छुवाछुत गर्ने हो भने,एक सर्त छ मेरो, अछुत भनीने ओडार बसौँ,घर हटाइनु पर्छ। सुन छाउपडी पक्षधर, मन्दिरमा लक्षमी दुर्गाहरु छन, छुइएका मन्दिरतिर तिम्रा, सफर हटाइनु पर्छ। ५ गजल चाँदीको मुकुट पहिरीएको, हिमाल छ म संग, कस्तुरी र डाँफे सँगै, मुनाल छ म संग। एकताको मन्दिरमा, अगरबत्ति बाल्ने, बिबिध भाषा संस्कृतिको, चाल छ म संग। प्रकृतिले सोभायमान, लेक बेशी हाम्रो, सेती नदि अनि सुर्मा, ताल छ म संग। सुन फलाम तामा खानी ,जस्ता कयौ चिजको, सम्भाबना बोकेको, मसाल छ म संग। यार्सागुम्बा पाँच औले र,सयौ चिज को धनि, सुन्दरताले गिज्याई रहने,नेपाल छ म संग।
लोक राज भट्ट वायल डोटी हाल काठमाण्डौ