प्रशिद्ध तिर्थस्थल पाथीभरामा १७ दिनमै २० लाख वढि भेटी रकम जम्मा

ताप्लेजुङ / ताप्लेजुङमा अवस्थित प्रशिद्ध तिर्थस्थल पाथीभरा मन्दिरमा १७ दिनमै बिस लाख १४  हजार ७ सय रुपैँया भेटी रकम संकलन भएको छ । यहि जेठ ५ गते देखि २१ गते सम्मको अवधिमा स्वदेशी तथा विदेशी दर्शनार्थीहरुबाट यतिका रकम जम्मा भएको  पाथीभरा भेटीघाटी व्यवस्थापन समितिले जनाएको छ ।

विशेष गरि बैशाख पछि वर्षा लगायतका कारण कमै मात्र तिर्थालु आउने गरे  पनि गत वर्षहरुको तुलनामा यस वर्षको जेठ महिनामा धेरै तिर्थयात्री भित्रिएको  समेत सो समितिले जनाएको छ ।  यस अघि २०७२ साल चैत्र ३० देखि बैशाख २२ गते भित्रको अवधीमा १४ लाख ४४ हजार एक सय पचास रुपैँया संकलन भएको जनाईएको थियो ।

यस्तै धेरै संख्यामा सुनचाँदीका विभिन्न सामाग्री समेत जम्मा भएको जनाईएको छ । अहिले पनि दैनिक सयौँको संख्यामा मन्दिरको दर्शनका लागि जाने गरेको बताईएको छ । पाथीभराको दर्शन गरे आफुले चिताएको कुराहरु पुग्ने धार्मिक विस्वास  रहिआएको छ ।